ಬೆಂಗಳೂರು ನಗರದಲ್ಲಿ ಬಾಡಿಗೆ ಮಾತ್ರವಲ್ಲ, ನಿತ್ಯ ಜೀವನ ನಡೆಸುವುದೂ ಇತ್ತೀಚಿನ ದಿನಗಳಲ್ಲಿ ದುಬಾರಿಯಾಗುತ್ತಿದೆ. ಸಂಬಳದ ಬಹುಪಾಲು ಮನೆ ಬಾಡಿಗೆ, ಆಹಾರ, ಪ್ರಯಾಣ ಹಾಗೂ ಇತರ ಅಗತ್ಯ ಖರ್ಚುಗಳಿಗೆ ಮೀಸಲಾಗುತ್ತಿದ್ದು, ಮಾಸಿಕವಾಗಿ ಸಾವಿರಾರು ರೂಪಾಯಿ ವೆಚ್ಚವಾಗುತ್ತಿದೆ ಎಂದು ಹಲವರು ಹೇಳುತ್ತಿದ್ದಾರೆ.
ತಮ್ಮ ಸಂಬಳ, ಮಾಸಿಕ ಬಜೆಟ್ ಹಾಗೂ ಉಳಿತಾಯದ ವಿವರಗಳನ್ನು ಹಂಚಿಕೊಳ್ಳುವ ವಿಡಿಯೋಗಳು ಇದೀಗ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿವೆ. ಕೆಲವರು ಬೆಂಗಳೂರಿನಲ್ಲಿ ಜೀವನ ನಡೆಸುವುದು ತುಂಬಾ ದುಬಾರಿ ಎಂದು ಹೇಳುತ್ತಿದ್ದರೆ, ಇನ್ನು ಕೆಲವರು ಸೂಕ್ತ ಬಜೆಟ್ ಮಾಡಿಕೊಂಡರೆ ಅಷ್ಟೊಂದು ಕಷ್ಟವಿಲ್ಲ ಎಂದು ಅಭಿಪ್ರಾಯಪಟ್ಟಿದ್ದಾರೆ.
ಟೆಕ್ ಉದ್ಯೋಗಿಗಳು, ಫ್ರೀಲ್ಯಾನ್ಸರ್ಗಳು ಹಾಗೂ ಉದ್ಯಮಿಗಳು ತಮ್ಮ ಆದಾಯ ಮತ್ತು ಖರ್ಚಿನ ವಿವರಗಳನ್ನು ಹಂಚಿಕೊಳ್ಳುತ್ತಿರುವುದರಿಂದ ಬೆಂಗಳೂರಿನ ಜೀವನ ವೆಚ್ಚದ ಬಗ್ಗೆ ಅನೇಕರಿಗೆ ಅಂದಾಜು ಸಿಗುತ್ತಿದೆ. ಇದೇ ವೇಳೆ, ಕೆಲವರು ತಿಂಗಳಿಗೆ ₹1 ಲಕ್ಷ ಆದಾಯವಿದ್ದರೂ ಬೆಂಗಳೂರಿನಲ್ಲಿ ಉಳಿತಾಯ ಮಾಡುವುದು ಕಷ್ಟವಾಗುತ್ತಿದೆ ಎಂದು ಹೇಳುತ್ತಿರುವುದು ಚರ್ಚೆಗೆ ಕಾರಣವಾಗಿದೆ.
