ಸ್ಪೇನ್ ತಂಡವು ಅರ್ಜೆಂಟೀನಾವನ್ನು ಮಣಿಸಿ ಫಿಫಾ ವಿಶ್ವಕಪ್ 2026 ಪ್ರಶಸ್ತಿಯನ್ನು ಗೆದ್ದಿದೆ. ಈ ಜಯದೊಂದಿಗೆ ಸ್ಪೇನ್ ತಂಡವು ವಿಶ್ವ ಚಾಂಪಿಯನ್ ಪಟ್ಟದ ಜೊತೆಗೆ ಭಾರೀ ಪ್ರಮಾಣದ ನಗದು ಬಹುಮಾನವನ್ನೂ ತನ್ನದಾಗಿಸಿಕೊಂಡಿದೆ.
ಈ ವಿಶ್ವಕಪ್ಗಾಗಿ ಫಿಫಾ ಇತಿಹಾಸದಲ್ಲೇ ಅತಿ ದೊಡ್ಡ ಪ್ರಮಾಣದ ಬಹುಮಾನ ಮೊತ್ತವನ್ನು ಘೋಷಿಸಿತ್ತು. ಒಟ್ಟು 48 ತಂಡಗಳಿಗೆ ಸುಮಾರು ₹5,400 ಕೋಟಿಗೂ ಅಧಿಕ, ಅಂದರೆ 655 ಮಿಲಿಯನ್ ಡಾಲರ್ ನಗದು ಬಹುಮಾನವನ್ನು ಹಂಚಲಾಗಿದೆ.
ಚಾಂಪಿಯನ್ ಸ್ಪೇನ್ ತಂಡಕ್ಕೆ ಸುಮಾರು ₹330 ಕೋಟಿ ಬಹುಮಾನ ದೊರೆತಿದ್ದು, ರನ್ನರ್ ಅಪ್ ಅರ್ಜೆಂಟೀನಾಗೆ ಸುಮಾರು ₹250 ಕೋಟಿ ಲಭಿಸಿದೆ. ಮೂರನೇ ಸ್ಥಾನ ಪಡೆದ ತಂಡಕ್ಕೆ ಸುಮಾರು ₹215 ಕೋಟಿ, ನಾಲ್ಕನೇ ಸ್ಥಾನ ಪಡೆದ ತಂಡಕ್ಕೆ ಸುಮಾರು ₹190 ಕೋಟಿ ಬಹುಮಾನ ನೀಡಲಾಗಿದೆ. ಕ್ವಾರ್ಟರ್ ಫೈನಲ್ ತಲುಪಿದ ತಂಡಗಳಿಗೆ ಸುಮಾರು ₹115 ಕೋಟಿ, ರೌಂಡ್ ಆಫ್ 16 ತಲುಪಿದ ತಂಡಗಳಿಗೆ ಸುಮಾರು ₹65 ಕೋಟಿ, ರೌಂಡ್ ಆಫ್ 32 ತಲುಪಿದ ತಂಡಗಳಿಗೆ ಸುಮಾರು ₹35 ಕೋಟಿ ಹಾಗೂ ಗುಂಪು ಹಂತದಲ್ಲೇ ಹೊರಬಿದ್ದ ತಂಡಗಳಿಗೆ ಸುಮಾರು ₹20 ಕೋಟಿ ಬಹುಮಾನ ದೊರೆತಿದೆ.
ಈ ಬಾರಿ ಫಿಫಾ ವಿಶ್ವಕಪ್ನಲ್ಲಿ ಭಾಗವಹಿಸಿದ ಪ್ರತಿಯೊಂದು ತಂಡಕ್ಕೂ ಕನಿಷ್ಠ ಬಹುಮಾನ ಮೊತ್ತ ದೊರೆತಿರುವುದು ಗಮನಾರ್ಹ. ವಿಶ್ವಕಪ್ ಇತಿಹಾಸದಲ್ಲೇ ಇದು ಅತ್ಯಂತ ದೊಡ್ಡ ಬಹುಮಾನ ವಿತರಣೆಗಳಲ್ಲಿ ಒಂದಾಗಿ ದಾಖಲಾಗಿದೆ.
