ಕರ್ನಾಟಕದಲ್ಲಿ ಪೆಟ್ರೋಲ್ನೊಂದಿಗೆ ಎಥನಾಲ್ 20 / E20 ಮಾತ್ರ ಮಿಶ್ರಣ ಆಗುತ್ತಿಲ್ಲ. ಅದಕ್ಕಿಂತಲೂ ಹೆಚ್ಚಿನ ಪ್ರಮಾಣದ ಎಥನಾಲ್ ಮಿಶ್ರಣವಾಗುತ್ತಿದೆ ಎನ್ನುವುದು ಗಂಭೀರ ಚರ್ಚೆಗೆ ಕಾರಣವಾಗಿದೆ. ಕರ್ನಾಟಕ ಕಾಂಗ್ರೆಸ್ ಸರ್ಕಾರವು ಪೆಟ್ರೋಲ್ನಲ್ಲಿ ಎಥನಾಲ್ ಪ್ರಮಾಣ ಶೇ 30ಕ್ಕಿಂತಲೂ ಹೆಚ್ಚಾಗಿದೆ ಎಂದು ಹೇಳಿದೆ.
ಇದಕ್ಕೆ ಪೂರಕವಾದ ಸಂಶೋಧನಾ ವರದಿಗಳನ್ನೂ ಸಹ ಪ್ರದರ್ಶಿಸಿದೆ. ಆದರೆ, ಕೇಂದ್ರ ಸರ್ಕಾರವು ಈ ಆರೋಪಗಳನ್ನು ತಳ್ಳಿ ಹಾಕಿದೆ. ಈ ನಡುವೆ ಭಾರತ್ ಪೆಟ್ರೋಲಿಯಂ ಈ ವಿಚಾರವಾಗಿ ಮಾಡಿದ ಟ್ವೀಟ್ ಡಿಲೀಟ್ ಮಾಡಿರುವುದು ಭಾರೀ ಚರ್ಚೆಗೆ ಕಾರಣವಾಗಿದೆ. ಭಾರತ್ ಪೆಟ್ರೋಲಿಯಂ ಕರ್ನಾಟಕದಲ್ಲಿ ಎಥನಾಲ್ ಪರೀಕ್ಷೆಯ ಟ್ವೀಟ್ ಡಿಲೀಟ್ ಮಾಡಿರುವ ಗಂಭೀರ ಆರೋಪ ಕೇಳಿ ಬಂದಿದೆ.
ಕರ್ನಾಟಕ ಕಾಂಗ್ರೆಸ್ ಸರ್ಕಾರವು E20 ವಿಷಯದಲ್ಲಿ ಪ್ರಸ್ತಾಪಿಸಿರುವ ವಿಷಯಗಳು ಸತ್ಯಕ್ಕೆ ದೂರವಾಗಿದೆ ಎಂದು ಭಾರತ್ ಪೆಟ್ರೋಲಿಯಂ ತಿರಸ್ಕರಿಸಿತ್ತು. ಆದರೆ ಇದಾದ ನಂತರ ತನ್ನ ಟ್ವೀಟ್ ಡಿಲೀಟ್ ಮಾಡಿದೆ. ಕರ್ನಾಟಕ ಕಾಂಗ್ರೆಸ್ ಸರ್ಕಾರವು E20 ಹೇಳಿಕೆಯನ್ನು ವಿರೋಧಿಸಿ ಭಾರತ್ ಪೆಟ್ರೋಲಿಯಂ ಪ್ರಸ್ತುತ ಸೋಷಿಯಲ್ ಮೀಡಿಯಾ ಎಕ್ಸ್ನಲ್ಲಿ 'MythVsFact' ಅಭಿಯಾನವನ್ನು ನಡೆಸುತ್ತಿದೆ.
ಆದಾಗ್ಯೂ, ಅಳಿಸಲಾದ ಒಂದು ನಿರ್ದಿಷ್ಟ ಟ್ವೀಟ್ ಟೀಕೆಗೆ ಗುರಿಯಾಗಿದೆ. ಭಾನುವಾರ ಭಾರತ್ ಪೆಟ್ರೋಲಿಯಂ ಟ್ವೀಟ್ವೊಂದನ್ನು ಹಂಚಿಕೊಂಡಿತ್ತು. ಕರ್ನಾಟಕ ಮೈಸೂರಿನ ಪಂಪ್ನಲ್ಲಿ ಪೆಟ್ರೋಲ್ನಲ್ಲಿ ಎಥೆನಾಲ್ ಮಿಶ್ರಣದ ಪರೀಕ್ಷೆಯು ಕಡ್ಡಾಯ 20 ಪ್ರತಿಶತ ಮಟ್ಟವನ್ನು ಅನುಸರಿಸುತ್ತಿದೆ ಎಂದು ತೋರಿಸಿದೆ ಎಂದು ಹೇಳಿಕೊಂಡಿದೆ.
ಆದಾಗ್ಯೂ, ವಾಸ್ತವವಾಗಿ ಎಥೆನಾಲ್ ಅಂಶವು ಮಿತಿಯನ್ನು ಉಲ್ಲಂಘಿಸಿ 33 ಪ್ರತಿಶತವನ್ನು ತಲುಪಿದೆ ಎಂದು ಹಲವರು ಬೇಗನೆ ಗುರುತಿಸಿದ್ದಾರೆ. ಭಾರತ್ ಪೆಟ್ರೋಲಿಯಂ ಟ್ವೀಟ್ ಅನ್ನು ಬೇಗ ಇದನ್ನು ಡಿಲೀಟ್ ಮಾಡಿದರೂ, ಅದರ ಸ್ಕ್ರೀನ್ಶಾಟ್ಗಳು ವೈರಲ್ ಆಗಿವೆ. ಜನರು ಭಾರತ್ ಪೆಟ್ರೋಲಿಯಂ ದ್ವಂದ್ವ ನೀತಿ ಅಥವಾ ಮಾನದಂಡ ಅನುಸರಿಸುತ್ತಿದೆ ಎಂದೂ ನೆಟ್ಟಿಗರು ಹೇಳಿದ್ದಾರೆ









